Arslan.mn

Непал Улсад наймдугаар сарын 26-нд болсон хүчтэй үер, үерийн гамшгийн үеэр Непалын армийн алба хаагчид амь насанд нь аюул учирсан ихэр нярай хүүхдийг авран хамгаалж, аюулгүй газарт хүргэжээ.

Аврах ажиллагааны үеэр армийн алба хаагчид үерийн усанд тусгаарлагдсан нярай хүүхдүүдийг олж, аюулгүй байдлыг ханган гаргасан байна. Аврагдсан хүүхдүүдийг армийн эмэгтэй алба хаагчид тэвэрч, тайвшруулан асарч буй дүрс олон нийтэд хүрсэн нь гамшгийн хүнд нөхцөлд хүний амь насыг хамгаалах, иргэдэд туслах үүргээ Непалын арми хэрхэн хэрэгжүүлж байгааг харуулсан байна. 

Непалын хойд хэсэгт болсон хүчтэй үерийн дараа Непалын арми, цагдаа болон бусад хүчний байгууллагууд эрэн хайх, аврах болон хүмүүнлэгийн тусламжийн ажиллагааг эрчимтэй явуулж байна. Армийн нисдэг тэрэг болон газрын багууд гамшгийн бүсэд хүрч, тусгаарлагдсан иргэдийг нүүлгэн шилжүүлэх ажиллагаанд оролцож байгаа юм. 

Энэхүү аврах ажиллагаа нь байгалийн гамшгийн үед мэргэжлийн бэлтгэлтэй алба хаагчдын шуурхай ажиллагаа, хүнлэг сэтгэл, иргэдийн амь насыг нэн тэргүүнд хамгаалах зарчмын нэгэн тод жишээ болжээ.