Arslan.mn

АНУ Ираны эдийн засаг, санхүүгийн тогтолцоонд үзүүлэх дарамтаа эрчимжүүлж, тус улсын эрх баригчид болон тэднийг дэмжигчдэд чиглэсэн өргөн хүрээний шинэ арга хэмжээг хэрэгжүүлж эхэллээ.

АНУ-ын Сангийн яам наймдугаар сарын 24-нд Ерөнхийлөгч Дональд Трампын чиглэлийн дагуу Ираны Исламын Бүгд Найрамдах Улс болон түүнтэй холбоотой этгээдүүдийн эсрэг “Operation Economic Outcast” нэртэй, “урьд өмнө байгаагүй” хэмжээний бүхэл бүтэн Засгийн газрын эдийн засгийн кампанит ажиллагааг эхлүүлснээ мэдэгдсэн байна.

Сангийн сайд Скотт Бессент уг ажиллагааг Ираны дэглэмийн санхүүгийн эх үүсвэр, олон улсын санхүүгийн системд нэвтрэх боломж болон хориг арга хэмжээнээс зайлсхийх сүлжээг таслан зогсоох зорилготой гэж тодорхойлжээ.

АНУ-ын Сангийн яам сүүлийн саруудад Ираны газрын тосны экспорт, далайн тээвэр, далд санхүүгийн сүлжээ, валютын зуучлал болон дижитал хөрөнгийн салбартай холбоотой олон улсын сүлжээнүүдэд дараалсан хориг арга хэмжээ авч ирсэн байна. Наймдугаар сарын 7-нд Ираны далд валютын сүлжээнд холбогдох хэд хэдэн улс дамнасан бүтэц, компани, этгээдүүдийг онилсон бол мөн өдөр Ираны Хувьсгалт гвардийн санхүүжилттэй холбоотой дижитал хөрөнгийн биржүүдэд хориг тавьсан байна.