Arslan.mn

Вашингтон хотын "Washington Hilton" зочид буудалд зохион байгуулагдаж байсан Цагаан ордны сурвалжлагчдын холбооны жил бүрийн оройн зоогийн үеэр зэвсэглэсэн этгээд гал нээсэн ноцтой хэрэг гарлаа.

Уг үйл явдлын үеэр АНУ-ын Ерөнхийлөгч Д.Трамп болон тэргүүн хатагтай Меланиа Трамп нарыг Нууц албаны ажилтнууд яаралтай хамгаалалтад авч, аюулгүй газарт нүүлгэн шилжүүлсэн байна.

Одоогоор хэрэг явдлын нөхцөл байдал, шалтгааныг холбогдох байгууллагууд тодруулж байгаа бөгөөд аюулгүй байдлыг өндөржүүлсэн горимд шилжүүлжээ.

Албаныхны мэдээлснээр, ерөнхийлөгчийн биеийн байдал хэвийн байгаа бөгөөд нэмэлт мэдээллийг удахгүй хүргэнэ гэж мэдэгдэв.