Arslan.mn

АНУ-ын Нью-Йорк хотын ЛаГуардиа нисэх буудалд зорчигч тээврийн онгоц газардаж байхдаа гал унтраах машинтай мөргөлдсөн ноцтой осол гарчээ.

Урьдчилсан мэдээллээр Air Canada Express компанийн нислэг газардсаны дараа нисэх зурвас дээр явж байсан тусгай зориулалтын автомашинтай мөргөлдсөн байна.

Ослын улмаас онгоцны хоёр нисгэгч амиа алдаж, 40 гаруй зорчигч болон нисэх буудлын ажилтнууд гэмтэж, эмнэлэгт хүргэгдсэн байна.

Ослын дараа нисэх буудлын үйл ажиллагааг түр хугацаанд зогсоож, холбогдох байгууллагууд шалтгааныг тогтоохоор мөрдөн шалгаж эхэлжээ. Урьдчилсан байдлаар нисэх зурвас ашиглалтын зохицуулалт, зөвшөөрөлтэй холбоотой алдаа гарсан байж болзошгүй гэж үзэж байна.