Arslan.mn

Арабын Нэгдсэн Эмират Улсын Дубай хотод байрлах тансаг зэрэглэлийн орон сууц, зочид буудлын цогцолборын нэгэн цамхагт дрон мөргөсөн осол гарчээ.

2026 оны гуравдугаар сарын 12-ны шөнө орон нутгийн цагаар ойролцоогоор 02:45 цагийн үед Дубайн Dubai Creek Harbour дүүрэгт байрлах Address Creek Harbour цогцолборын нэгэн цамхагт нисгэгчгүй нисэх төхөөрөмж мөргөсөн байна.

Ослын дараа барилгын дээд хэсэгт жижиг хэмжээний гал гарсан бөгөөд Dubai Civil Defence-ийн аврагчид шуурхай ажиллан галыг богино хугацаанд бүрэн унтраажээ.

Албаныхны мэдээлснээр:
    •    Барилгын зарим давхрын оршин суугчдыг түр хугацаанд нүүлгэн шилжүүлсэн
    •    Хүн гэмтэж бэртсэн тохиолдол бүртгэгдээгүй
    •    Барилгын гадна фасад хэсэгт хязгаарлагдмал хэмжээний эвдрэл үүссэн байна.

Ослын шалтгаан болон дроны гарал үүслийг холбогдох байгууллагууд шалгаж эхэлжээ. Зарим эх сурвалжийн мэдээлснээр энэ явдал нь бүс нутагт сүүлийн үед нэмэгдсэн дрон болон пуужингийн халдлагын эрсдэлтэй холбоотой байж болзошгүй гэж үзэж байна.

Дубай хотын эрх баригчид нөхцөл байдлыг бүрэн хяналтанд байгаа гэж мэдэгдэж, оршин суугчдын аюулгүй байдлыг хангах арга хэмжээг авч ажиллаж байна.