Arslan.mn

Өмнөд Солонгосын “My Golden Kids” телевизийн шоунд оролцсон 4 настай хүү  Гюм Жи Юний бичлэг олон хүнийг УЙЛУУЛЖ байна.

 Гюм Жи Юн эцэг эхтэйгээ хэрхэн харилцдаг талаар нэвтрүүлгийн үеэр ярьжээ.  Түүнээс ээж аавынхаа хэнтэй нь цагийг их өнгөрүүлдэг вэ гэж асуухад “Мэдэхгүй” гэж хариулсан байна. Энэ нь хүү ихэвчлэн ганцаараа байдгийг илэрхийлжээ. 

“Ээж надад дургүй байх” гэж хэлээд хүү уйлж эхэлсэн ч өөрөө зөнгөөрөө уйлахаа больсон байна. Мөн аавынх нь талаар асуухад “Уурлахаараа аймаар байдаг. Намайг арай эелдэг зөөлнөөр дуудах байх гэж найддаг” гэжээ.

Уг бичлэг анх ТикТок платформд цацагдсан бөгөөд 25.3 сая үзэгчид хүрсэн аж.

“My Golden Kids” шоу нь эцэг эхчүүдийн хүүхэд хүмүүжлийн чиг хандлагыг харуулахын зэрэгцээ хүүхэдтэйгээ юу хийхээ мэдэхгүй байгаа эцэг эхчүүдэд туслах зорилготой шийдэл бүхий нэвтрүүлэг юм.