Arslan.mn

Улаанбаатарын цагаар 2023.08.23-наас 24-нд шилжих шөнийн 01 цагийн үед Москва хотын ойролцоох Тверь мужийн тэнгэрт Е.Пригожины онгоцыг пуужингаар харваж унагасан байдалтай бичлэг цацагджээ.

Тэгвэл Вагнерын цэргийн хувийн компанийн үүсгэн байгуулагч Евгений Пригожин онгоцны ослоор нас барсан тухай CNN мэдээлжээ.

Тус онгоцонд багийн гурван гишүүн, зорчигчид нийлсэн 10 хүн явсан бөгөөд бүгд нас барсан. Онгоц Москвагаас Санкт-Петербург руу нисч байсан гэж ОХУ-ын Онцгой байдлын яамнаас мэдээлсэн байна.

Мөн хөлсний цэргийн бүлгийг 2014 онд үүсгэн байгуулсан Вагнерын ахлах командлагч Дмитрий Уткин ч мөн зорчигчдын жагсаалтад багтсан гэж мэдэгджээ. 

Харин АНУ-ын Ерөнхийлөгч Жо Байден Пригожин нас барсан байж болзошгүй гэсэн мэдээнд "гайхсангүй" гэжээ. Пригожин "Оросоос урвагчдын үйлдлийн үр дүнд нас барсан" гэж Telegram суваг нийтэлсэн байна.