Arslan.mn

Украины хотуудад иргэд цэвэр ус авахаар дугаарлаж байна. Өчигдөр эхэлсэн ОХУ-ын ээлжит өргөн хүрээтэй агаарын довтолгоон цэвэр усан хангамжийн дэд бүтцийг онилсон байсан аж. Нийслэл Киев хотод цэвэр ус авахыг хүссэн иргэдийн урт дараалал үүсжээ.

Киев хотын дарга Виталий Кличко өчигдөр оройны уламжлалт мэдээлэлдээ хотын нийт иргэдийн 40 хувь нь цэвэр усаар хангагдах боломжгүй болж, 270 000 байшин барилга эрчим хүчгүй болжээ.

Хэд хоногийн өмнө Украины талаас Крым дэх Хар тангисийн флот руу нисгэгчгүй онгоцоор довтолсон. ОХУ өчигдрийн цохилтоо дээрх довтолгооны хариу хэмээн тайлбарласан юм.