Arslan.mn

Антарктид коронавирусийн халдвар илрээгүй дэлхийн хамгийн сүүлийн тив болоод байсан. Тэгвэл  тус  тивд оршдог  "О Хиггинс"  судалгааны баазад Covid-19-ийн шинжилгээгээр 36 хүн коронавирусийн халдвартай нь батлагдсанаар уг халдвар дэлхийн бүх тивийг хамарлаа.

Бернардо О Хиггинс баазад тогтмол байрладаг нийт 36 хүнээс халдвар илэрсний 26 нь Чилийн армийн алба хаагчид, 10 нь гэрээгээр баазад ажилладаг энгийн хүмүүс байжээ.

Тэднийг эх газар луу нүүлгэн авчирч тусгаарлан, станцын байранд ариутгал хийcэн бөгөөд  одоогоор хэнд ч өвчний хүнд шинж тэмдэг илрээгүй байгаа аж. 

Ийнхүү дэлхийд коронавирусгүй тив  байхгүй боллоо. Сануулахад, 2020 оны шинэ оны өмнө Хятадад шинэ коронавирусний дэгдэлт  эхэлсэн тухай Дэлхийн эрүүл мэндийн байгууллагад мэдэгдсэн юм. Гуравдугаар сарын 11-нд энэхүү вирусыг ДЭМБ цар тахал хэмээн зарласан билээ.