Arslan.mn

Ойр харилцаж байсан хүмүүс дотроос нь коронавирусийн халдвартай хүн илэрсний дараа Их Британийн ерөнхий сайд Борис Жонсон өөрийгөө тусгаарлаж, эмч нарын хяналтад шилжихээр болжээ. Одоогоор ерөнхий сайдад халдварын ямар нэг шинж тэмдэг илрэхгүй байна. 

Жонсон энэ оны хавар коронавирусийн халдвар авч, хүндээр өвчилсний дараа эдгэрч байв.

Сүүлийн өдрүүдэд Борис Жонсоны засгийн газар хөл үймээн ихтэй байгаа. Өнгөрсөн долоо хоногийн Баасан гарагт Жонсоны хамгийн нөлөө бүхий зөвлөх, Brexit хөдөлгөөний гол зүтгэлтнүүдийн нэг Доминик Каммингс ирэх сараас эхлэн засгийн газарт ажиллахаа больж байгааг мэдэгдсэн юм.

Коронавирусийн шинэ давалгаа эрчимжиж, хорио цээрийн дэглэмээ дахин сэргээсэн, Их Британи улс Европын Холбооноос ямар нэг гэрээ байгуулалгүй гарах магадлал нэмэгдсэн зэрэг нь Борис Жонсоны засгийн газрын байр суурийг ганхуулаад байгаа юм.