Arslan.mn

Иргэн Ө, С, М, З, Б, Ш нарын бүлэг этгээдүүд цахим хэрэгсэл ашиглан нэр бүхий 6 этгээдтэй бүлэглэж цахим мөрийтэй тоглоом хууль бусаар зохион байгуулдаг байжээ.

Тэд “Pokerrr” аппликейшнд “Mazab, Хүрээ, 42y22” нэртэй мөрийтэй тоглоомын клубүүд үүсгэж, серверээ хөдөө орон нутагт байрлуулж байсан нь цагдаагийн байгууллагын шалгалтаар илэрчээ.

Мөн цахим мөрийтэй тоглоомын үйл ажиллагаанд ашиглаж байсан ₮15 тэрбумын хууль бус гүйлгээг тогтоосон байна.

Сүүлийн 3 сарын хугацаанд цахим мөрийтэй тоглоом зохион байгуулсан 5 бүлгийн 34 этгээдийг баривчилж, ₮43.1 тэрбумын хууль бус гүйлгээ, мөн өндөр үнэлгээ бүхий тээврийн хэрэгсэл, орон сууц зэрэг нуугдмал хөрөнгийг илрүүлжээ.