Arslan.mn

Бусдыг айлган сүрдүүлж, дээрэмдэж зугтсан этгээдийг саатуулан шалгаж байна. “Манай эхнэр гар утсаа дээрэмдүүлчихлээ” гэх дуудлага мэдээлэл энэ оны аравдугаар сарын 1-ний 20:11 цагт цагдаагийн байгууллагад бүртгэгджээ.

Тодруулбал, 34 настай эмэгтэй А-г гэр лүүгээ харьж явахад нь 35 орчим насны эрэгтэй согтууруулах ундаа хэрэглэсэн үедээ айлган сүрдүүлж, улмаар боож унагаан гар утсыг нь дээрэмдээд зугтсан байна.

Сонгинохайрхан дүүргийн Цагдаагийн газрын 3 дугаар хэлтсийн алба хаагчид шуурхай эрэн сурвалжлах ажиллагаа явуулж, сэжигтэй этгээд М-г олж тогтоон саатуулжээ. Одоогоор шалгалтын ажиллагааг үргэлжлүүлж байна.

Цагдаагийн байгууллагад энэ оны эхний найман сарын байдлаар дээрэмдэх гэмт хэрэг 457 бүртгэгдсэн байна.