Arslan.mn

Тээврийн цагдаагийн албанаас 2026-2027 оны хичээлийн шинэ жил эхэлж байгаатай холбогдуулан бага насны хүүхдийг зам тээврийн осол, хэргээс урьдчилан сэргийлэх, замын хөдөлгөөний аюулгүй байдлыг хангах чиглэлээр үүрэг гүйцэтгэн ажиллаж байна.

Энэ талаар ТЦА-ны Урьдчилан сэргийлэх хэлтсийн дарга Д.Оюун "Сургуулийн орчимд хүүхдийн аюулгүй байдлыг хангах чиглэлээр 148 уулзвар, гарцан дээр 330 гаруй замын цагдаагийн алба хаагчид үүрэг гүйцэтгэж байна. Хичээл эхэлсэнтэй холбоотойгоор жолооч та бүхэн сургууль, цэцэрлэгийн орчинд тээврийн хэрэгслийнхээ хурдыг хасаарай гэж зөвлөж байна.

Мөн эцэг эх, асран хамгаалагчид тээврийн хэрэгслээ зориулалтын бус газарт байрлуулахгүй байхыг Цагдаагийн байгууллагаас анхааруулж байна" гэв.