Arslan.mn

Зүүн Азийн эрэгтэйчүүдийн волейболын аварга шалгаруулах тэмцээн маргааш эхэлнэ. Тус тэмцээн 2026 оны наймдугаар сарын 5-9-ний өдрүүдэд Улаанбаатар хотод зохион байгуулагдах юм.

Тэмцээнд БНХАУ, Япон, БНСУ, Монгол, Тайвань, Хонконг, Макаогийн үндэсний шигшээ багууд оролцож, Зүүн Азийн аваргын төлөө өрсөлдөнө. Зохион байгуулагчдын мэдээлснээр тэмцээнийг олон улсын стандартын дагуу зохион байгуулахаар бэлтгэл ажлыг хангажээ. Үүнд зориулалтын төхөөрөмж, гэрэлтүүлэг, дуу, дүрсний өндөр чанарын шийдэл бүхий орчин бүрдүүлж, тэмцээн болох заалыг иж бүрэн тохижуулсан байна. Мөн тамирчин, шүүгч, албаны төлөөлөгчдийн байр, тээвэр, аюулгүй байдал, эмнэлгийн үйлчилгээ болон үзэгчдэд зориулсан үйлчилгээг олон улсын шаардлагад нийцүүлэн зохион байгуулахаар төлөвлөжээ.