Arslan.mn

“Хүүхдүүдийг өдөрт 2-3 удаа зодохгүй бол нойр хүрдэггүй” гэж ярин, гэртээ тамхи зуугаад хэвтэж байгаа эрэгтэйн бичлэг өчигдөр /2026.07.27/ цахимд цацагдаж, иргэдийн бухимдлыг төрүүлэв. Уг бичлэгийг үзээд хүүхдүүдэд санаа зовж буйгаа илэрхийлсэн иргэдийн сэтгэгдэл урсаж байна.

Энэ бичлэгийн дагуу шалгалт хийсэн эсэхийг ЦЕГ-аас өнөөдөр сэтгүүлчид тодруулахад, 5 болон 13 настай хоёр хүүхдийг Хүүхэд хамгаалах төвд хүргүүлсэн. Хүүхдүүдийн ээж архи согтууруулах ундаа хэтрүүлэн хэрэглэдэг гэх урьдчилсан нөхцөл байдал тогтоогдсон. Бичлэгийн дагуу Цагдаагийн байгууллагаас үргэлжлүүлэн шалгаж байна гэв.