Arslan.mn

ЦЕГ-ын Мөрдөн шалгах алба 2026 оны эхний хагас жилийн ажлаа тайлагнаж, сахилга ёс зүйн зөвлөгөөнийг амжилттай зохион байгууллаа.

Үйл ажиллагаанд Мөрдөн шалгах албаны дарга Б.Очбадрах, Залилах гэмт хэрэгтэй тэмцэх газрын Эрүүгийн цагдаагийн хэлтсийн дарга Н.Бумгэрэл, Захиргаа, удирдлагын хэлтсийн дарга Д.Ганбаяр, Хүүхдийн эсрэг гэмт хэрэг, мөрдөн шалгах хэлтсийн дарга Б.Мөнхбат болон даргын зөвлөлийн гишүүд, алба хаагчид оролцлоо.

Мөрдөн шалгах албаны дарга Б.Очбадрах энэ үеэр гэмт хэргийн шийдвэрлэлт өмнөх оны мөн үеэс өссөн үзүүлэлттэй байгаа нь алба хаагчдын хичээл зүтгэлийн үр дүн болохыг онцлов.