Г.Отгонтамир: Улаанбаатар марафоны үеэр цахилгаан скүүтэр, мопедтой иргэдийн хөдөлгөөнийг хязгаарлана

Arslan.mn

“Улаанбаатар марафон-2026” олон улсын гүйлт 2026 оны тавдугаар сарын 23-ны өдөр зохион байгуулагдана. Одоо гүйлт эхлэхэд ердөө гурван өдөр үлдлээ.

Улаанбаатар марафоны зохион байгуулагчид мэдээлэл өгч байна.

Тээврийн цагдаагийн албаны урьдчилан сэргийлэх хэлтсийн ахлах мэргэжилтэн, цагдаагийн хошууч Г.Отгонтамир:

Тавдугаар 23-ны өдөр өглөөний 06 цагаас оройн 19:00 хүртэл зарим замыг хэсэгчлэн хаана. Цахилгаан скүүтэр, мопед, цахилгаан унадаг дугуйтай иргэдийг хаасан замаар орохыг хориглоно.

Шар бүсчлэл дотор байгаа иргэд тээврийн хэрэгсэлтэй хөдөлгөөнд оролцохгүй. Хөдөлгөөн хязгаарлах бүс болон хөдөлгөөн түр хаах уулзвар, гарцын мэдээллийг хүргэж байна.