Arslan.mn

Нийслэлчүүдийн хаврын хүнсний хэрэгцээнд зориулан нөөцийн мах бэлтгэн борлуулахаар 6 тэрбум төгрөгийн хүүгийн татаас авч 5000 тонн мах нийлүүлэхээр гэрээ байгуулсан есөн компанийн тав нь нэг ч тонн мах нийлүүлээгүй байна. Уг таван компанийн хоёрыг нь Дорнод аймгийн засаг даргын зөвлөх  М.Бас-Эрдэнэ эзэмшдэг аж.

Тодруулбал, Дорнод аймгийн засаг даргын зөвлөх, ИТХ-ын төлөөлөгчөөр ажиллаж байсан, ХХААХҮ-ийн сайд асан М.Бадамсүрэнгийн найз М.Бас-Эрдэнийн эзэмшдэг "Чойбалсан групп" ХХК, "Багануур махмаркет" ХХК гэх хоёр компани Нийслэлийн нөөцийн махны 37 хувь буюу 1.8 мянган тонн махыг бүрдүүлэхээр гэрээлжээ.

Гэсэн ч өнөөдрийг хүртэл НЭГ Ч ТООН МАХ зах зээлд нийлүүлээгүй байна. Уг компаниуд 2012-2013 онд байгуулагдсан, эцсийн өмчлөгч нь М.Бас-Эрдэнэ.

Энэ талаар  мэдээллийг түүний ХОМ-ээс ч харж болно. 

"Чойбалсан групп" ХХК нь Зоогийн газрын үйлчилгээ, Зочид буудал, Жимс, жимсгэнэ тариалах, фермерийн аж ахуй, төмс, хүнсний ногоо тариалах, гадаад худалдаа, мал аж ахуй, мах боловсруулах үйлдвэр, Мал эмнэлгийн үйлчилгээ эрхэлдэг аж. Хувь эзэмшигч болон эцсийн өмчлөгчөөр Мягмарын Бас-Эрдэнэ бүртгэлтэй байна.

Харин "Багануур махмаркет" ХХК нь  мах, махан бүтээгдэхүүний үйлдвэрлэл, худалдаа, Фермерийн аж ахуй, Мал эмнэлгийн үйл ажиллагаа зэрэг зургаан чиглэлээр үйл ажиллагаа явуулдаг аж.

Тэгвэл нөөцийн махны 37 хувийг бүрдүүлэхээр 2 компаниар гэрээлсэн ч НЭГ Ч ТОНН мах нийлүүлээгүй Дорнодын “босс“, Дорнод аймгийн ИТХ-ын төлөөлөгч асан М.Бас-Эрдэнийн  2024 онд АТГ-т мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮33 сая
Гэр бүлийн орлого: ₮20 сая 
Орон сууц барилга байгууламж: ₮293 сая /орон сууц-2,Үйлчилгээний зориулалттай барилга-1, Үйлдвэрлэлийн зориулалттай барилга-1 /
Тээврийн хэрэгсэл: ₮458 сая  /Toyota, Land Criuser 300, Toyota, Lexus, Toyota, Prius, Nissan, Navara маркийн нийт 4 тээврийн хэрэгсэлтэй/
Мал аж ахуй:₮37 сая  /Сайн үүлдрийн үхэр-25/
Газар: ₮18 сая  /Эзэмших-600м2-1, Өмчлөх-700м2-5 нийт 6 газартай/                                                                            Үнэт эдлэл, урлаг, түүхийн үнэт зүйл:₮18 cая
Хадгаламж: ₮80 сая 
Авлага: ₮0 cая
Зээл:  ₮12 тэрбум гэж мэдүүлжээ.