Arslan.mn

Энэ оны нэгдүгээр сарын 04-нд Баянзүрх дүүргийн 27 дугаар хорооны нутаг дэвсгэрт онц ноцтой хүн амины гэмт хэрэг гарсан.

Тодруулбал, Дарь-Эхэд энэ оны 1 дүгээр сарын 4-нд жирэмсэн эмэгтэйг 4 настай охинтой нь хөнөөж, 3 настай охиныг хүнд гэмтээсэн хэрэг гараад байсан. 

Уг хэрэгт хөршийнх нь 48 настай М.Батчулуу гэгчийг нийслэлийн Прокурорын газар Эрүүгийн хуулийн 10.1-2.6.2 “Олон хүнийг хөнөөсөн”, 10.1.3 “Бага насны хүүхдийг хөнөөсөн”, “Өөр нэг хүүхдийн амь бүрэлгэхийг завдсан” гэх заалтаар яллах дүгнэлт үйлдэн, шүүхэд шилжүүлжээ.

Түүний гэм бурууг шүүх хурал 5 дугаар сарын 6-ны 09:00 цагт Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд болно.