Arslan.mn

Жолоодох эрхийн үнэмлэхгүй иргэн согтуугаар машин жолоодож хоёр сурагчийг дайрч нэг нь газар дээрээ амиа алдсан НОЦТОЙ ОСОЛ гарчээ.

Тодруулбал, энэ сарын 17-ны өдөр Архангай аймгийн Эрдэнэбулган сумын нутаг дэвсгэрт жолоодох эрхийн үнэмлэхгүй 20 настай "У" нь согтууруулах ундаа хэрэглэсэн үедээ машин жолоодож,  зам дээр явж байсан хоёр сурагчийг дайрсан осол гарсан байна.

Ослын улмаас нэг хүүхэд газар дээрээ нас барж, нөгөө хүүхэд нь гэмтэж тус аймгийн Нэгдсэн эмнэлэгт эмчлүүлж байгаа гэсэн мэдээлэл байна.

Уг хэргийн мөрдөн шалгах ажиллагаа үргэлжилж байгаа аж.