Arslan.mn

Нийслэлийн цагдаагийн удирдах газраас цаг үеийн асуудлаар мэдээлэл өглөө.

Цагдаагийн ерөнхий газрын ХМОНХХ-ийн дарга Г.Пүрэвдэлгэр "Иргэнээс хувийн эмзэг мэдээллийг ашиглан сүрдүүлж их хэмжээний мөнгө авсан этгээдүүдэд холбогдох гомдолд мөрдөн шалгах ажиллагаа явуулж байна.

Иргэн Д-ээс “Нэгүүн.мн” сайтын сэтгүүлч У нь цахим орчинд миний эмзэг мэдээллийг тараана гэж сүрдүүлж 50 сая төгрөг авсан гэх гомдлыг цагдаагийн байгууллагад ирүүлсэн.  Энэ дагуу шалгахад нэр бүхий сэтгүүлч нь иргэн Д-ийн эмзэг мэдээллийг олон нийтийн сүлжээнд түгээнэ гэж сүрдүүлсэн. Улмаар иргэн Д 2023 оны есдүгээр сарын 11-ний өдөр сэтгүүлч У-д 50 сая төгрөг өгсөн нь мөрдөн шалгах ажиллагаагаар тогтоогдсон. Улмаар энэ оны хоёрдугаар сард өөр сайтын сэтгүүлч тухайн бичлэгийг тарааж, мөнгө нэхсэн нөхцөл байдал гарсан тул иргэн цагдаагийн байгууллагад гомдол гаргасан.

Үүнээс гадна тухайн сайтын сэтгүүлч иргэн Ж-ээс хувийн эмзэг мэдээллийг нь цахим сүлжээнд байршуулна хэмээн бэлнээр 30 сая төгрөг авсан нь тогтоогдсон.

Иргэдээс удаа дараалан бусдын эд хөрөнгийг авсан хэрэгт холбогдуулан шалгаж, тухайн сайтын оффист шалгалт хийсэн. Мөрдөн шалгах ажиллагаа үргэлжилж байна

Харин ЭЦА-ны эл мөрдөн шалгах ажиллагаа өрөөндөө бие засаж байгаа албан тушаалтантай холбоогүй болохыг хариуцлагатайгаар хэлье.

Тухайн өдөр сэтгүүлч Цагдаагийн байгууллагад мэдээлэл өгснөөр эрүүлжүүлэх болон холбоотой арга хэмжээг авсан.  Энэ асуудлыг ил болгсон сэтгүүлч нарт цагдаагийн байгууллагын зүгээс талархаж байна.

"Хуулийн байгууллагын үйл ажиллагаа хуулийн дагуу явагдсан. Шинжээч томилон ажиллаж байгаа. Бид тухайн сайтын хэвлэн нийтлэх эрх чөлөөнд халдаагүй. Бүх бичлэг нь эхлэхээс авахуулаад дуусах хүртлээ байгаа. " гэв.