Arslan.mn

Монголын шатрын холбооноос зохион байгуулж буй өсвөрийн шатарчдын улсын аварга шалгаруулах тэмцээний 6 настануудын аваргууд тодорлоо.

Охидын ангилалд 71 шатарчин өрсөлдсөнөөс Өвөрхангай аймгийн оролцогч Батзаяагийн Уранзаяа 9 өргөөс 8 хожил авч улсын аварга болсон бол Говь-Алтай аймгийн оролцогч Сүхбатын Эрдэнэцэцэг мөн 8.0 оноогоор хоёрдугаар байр эзэллээ.

Тэмцээний гуравдугаар байрт 309-р цэцэрлэгийн оролцогч Даваадоржийн Даридай 7.0 оноогоор шалгарлаа. Тэрээр эхний хоёрт орсон шатарчдад хожигдсон ч хүрэл медаль хүртлээ.

Харин 6 хүртэлх насны хөвгүүдийн ангилалд 79 шатарчин оролцсоноос "Стейниц Монголын шатрын академи"-ийн тамирчин П.ЭРХЭС 9 өргөөс 9.0 оноотой нэг тойргийн өмнө түрүүлсэн байна.

Мөн Хөвсгөл аймгийн оролцогч Б.Ялгуун, Ц.Цэцэнзул нар 7,0 оноогоор 4-5-р байрт, Багануурын оролцогч Ц.Цэлмэг 7,0 оноогоор 6-р байр эзэллээ. Дорноговийн оролцогч Ж.Ундрам, Б.Гуамарал нарын 11 сурагч 6.0 оноогоор 7-17-р байрт орж улсын аваргын анхны тэмцээндээ шилдгүүдийн тоонд багтлаа. 

6 настануудын хөвгүүдийн ангилалд “Стейниц” клубийн шатарчин П.Эрхэс сүүлийн 9 дэх өргөөс өмнө улсын аварга цолны болзол хангалаа. Хөвгүүдийн нэгдсэн дүн удахгүй гарна.