Arslan.mn

Монгол Улсад орчин цагийн Зэвсэгт хүчин үүсэж хөгжсөний 105 жил, “Монгол цэргийн өдөр”-ийг тохиолдуулан гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах, улсын онц чухал объектыг хамгаалах хуулиар хүлээсэн үндсэн чиг үүргээ нэр төртэйгөөр биелүүлж, идэвх зүтгэл үр бүтээл гарган ажилласан зарим алба хаагчдад өнөөдөр /2026.03.18/ цол, шагнал гардуулах үйл ажиллагаа ёслол төгөлдөр боллоо.

Арга хэмжээнд Цагдаагийн ерөнхий газрын дарга, Дотоодын цэргийн командлагч, хошууч генерал Ж.Болд болон даргын зөвлөлийн гишүүд, алба хаагчид оролцсон юм.

Энэхүү тэмдэглэлт өдрийг тохиолдуулан цагдаа, дотоодын цэргийн байгууллагын бие бүрэлдэхүүнээс Төрийн дээд шагналаар 143, Хууль зүй, дотоод хэргийн салбарын шагналаар 257, байгууллагын шагналаар 17, нийт 417 алба хаагч, ажилтан, ахмад ажилтан шагнагдаж, 16 алба хаагч хугацааны цолоор шагнагдав.

Шагнагдсан нийт алба хаагчид та бүхэнд баяр хүргэж, зорьсон үйлс, зүтгэсэн зүтгэл тань үргэлжид өөдрөг байхын ерөөл өргөн ажлын амжилт хүсье.