Arslan.mn

Мобикомын япон захирал Кожи Курушима Япон-Монголын хооронд онгоцонд нисэх үедээ тав тух нь алдагдсанд дургүйцжээ. Энэ талаар цахим хуудастаа бичжээ.

Тэрбээр хажууд суугаа хүн сандлын түшлэг дээр гараа тавьж явсан, хүүхэдтэй монгол эмэгтэй өөрийнх нь өмнөх хогийн саванд хогоо хаясанд дургүйцлээ ийнхүү илэрхийлжээ.

Энэ тухай "Онгоцонд сууж байх үед зай талбай хуваалцдаг. Гэтэл миний хажууд суусан хүн тохойгоо өөрийн хязгаараас хэтрүүлэн гаргаж, надад тухгүй байдал үүсгэсэн. Тэр хүн надаас ахмад байсан тул би дуугүй өнгөрөөсөн. Аз болоход би цонхны суудалтай байсан учраас цонхны тал руу налж суусан.
Миний хажууд суусан эмэгтэй миний уншиж байсан ном хийсэн урд талын халаасыг хогийн сав шиг ашигласан. Тэр эмэгтэй хүүхэдтэйгээ явж байсан тул хүүхдээ асрах шаардлагатай байсан байх, тиймээс би бас дуугүй өнгөрөөсөн. Жижиг зүйлс мэт санагдаж болох ч хамгийн чухал нь хувиа хичээхгүй, бусдыг бодох явдал юм.

Тэд зүгээр л миний өдрийг таагүй болгочихлоо…." гэжээ.

Энэ талаар сошиал орчинд олон нийт  "Монгол хүнд дургүй, Монголыг байнга дорд үздэг хандлага нь үе үе ажиглагддаг. Том корпорацийн захирал гэхэд харамсмаар юм" гэж буй.