Arslan.mn

Шинэ жилийн баярын арга хэмжээ зохион байгуулагдаж байгаатай холбогдуулан иргэд, аж ахуйн нэгж, байгууллагууд салют, бенгалын гал болон чанарын шаардлага хангаагүй пиротехникийн хэрэгслийг зөвшөөрөлгүй газраас худалдан авч, хэрэглэх тохиолдол нэмэгддэг.

Үүнээс гадна салют буудуулах, сүлд модыг чимэглэхдээ мэргэжлийн бус хүнээр хийлгэдгээс болж гал түймэр гарах, бэртэж гэмтэх тохиолдол гардаг.Иймд, зөвшөөрөлгүйгээр салют, бенгалын гал зэрэг пиротехникийн хэрэгслийг иргэдийн гар дээрээс худалдаж авахгүй байх, баталгаатай газраас худалдан авсан бол заавар санамжийг мөрдөж болзошгүй эрсдэлээс урьдчилан сэргийлэхийг Онцгой байдлын ерөнхий газраас зөвлөлөө. 

Бенгалын гал нь цацраад дууссан ч төмөрт нь 5-6 секундын турш цогшил байдаг. Иймд ширээн дээр тавих, хогийн саванд шууд хийхээс зайлсхийхийг мөн сэрэмжлүүллээ.