Arslan.mn

Өчигдөр буюу /2025-03-11/-ний өдөр хот хоорондын автобус, эмнэлгийн түргэн тусламжийн машинтай мөргөлдөж зургаан хүний амь эрсэдсэн зам тээврийн осол болсон байна.

Ослын улмаас өвчтөн тээвэрлэж явсан түргэний автомашины жолооч, эмч, өвчтөн нарын зургаан хүн нас баржээ.

Тодруулбал, "Цагдаагийн байгууллагад энэ оны 03 дугаар сарын 11-ний өдөр 19 цагийн орчим Төв аймаг Өндөрширээт сум “Талын-Уул гэх газарт автомашинууд мөргөлдөж, хүн нас барсан байна” гэсэн мэдээлэл бүртгэгдсэн.

"Урьдчилсан байдлаар Төв аймгийн Өндөрширээт сумын нутаг дэвсгэрт байх Талын уул гэх газар буюу Улаанбаатар-Арвайхээр чиглэлийн авто замын 170 дахь км-н ойролцоо Toyota Hiace маркийн автомашины жолооч Э нь жолоодож яваад Улаанбаатар хотоос Завхан аймгийн чиглэлд зорчиж явсан Kia Grandbird маркийн том оврын автобустай мөргөлдөж, Toyota Hiace маркийн автомашинд зорчиж явсан 5 хүн, жолоочийн хамт нийт 6 хүн нас барч, 2 хүүхэд гэмтсэн" гэх мэдээллийг албаныхан өглөө.

Одоогоор тус хэргийн мөрдөн шалгалтын ажиллагаа Төв аймгийн цагдаагийн газарт явагдаж байна.