УЕПГ: Дөрвөн хүүхдийг төрсний гэрчилгээтэй болгосноор сурч боловсрох, хүүхдийн мөнгөө авах боломжтой боллоо УЕПГ: Дөрвөн хүүхдийг төрсний гэрчилгээтэй болгосноор сурч боловсрох, хүүхдийн мөнгөө авах боломжтой боллоо
Сонгууль 2024 7 хоногийн тойм -22°C 2639.86 ₮
05 сарын 24, Баасан
Өнөөдөр

Arslan.mn

УЕПГ: Дөрвөн хүүхдийг төрсний гэрчилгээтэй болгосноор сурч боловсрох, хүүхдийн мөнгөө авах боломжтой боллоо

2024 оны 4 сарын 10

Arslan.mn

Нийслэлийн прокурорын газраас төр, нийтийн ашиг сонирхлыг хамгаалах чиг үүргийн хүрээнд бичиг баримтгүйн улмаас сурч боловсрох, эмнэлгийн үйлчилгээ авах зэрэг эрх нь зөрчигдөж байсан хүүхдүүдийн эрх, ашиг сонирхлыг хамгаалах арга хэмжээ авчээ.

Энэ хүрээнд эцэг эх, асран хамгаалагчгүй дөрвөн хүүхдийг бичиг баримттай болгох зорилгоор Иргэний бүртгэлийн тухай хуулийн 6 дугаар зүйлийн 6.7 дахь хэсэгт заасны дагуу шүүхээр насыг нь тогтоолгож, иргэний бүртгэлд бүртгүүлэн төрсний гэрчилгээтэй болгосон байна.

Үүний үр дүнд тухайн хүүхдүүд сурч боловсрох, эмнэлгийн үйлчилгээ авах, төрөөс олгож буй хүүхдийн мөнгөн тэтгэмжид хамрагдах боломжтой боллоо. Мөн прокуророос тэдгээр хүүхдийн өмнө нь аваагүй мөнгөн тэтгэмжийг нөхөн олгуулахаар Чингэлтэй, Сүхбаатар дүүргийн иргэний хэргийн анхан шатны шүүхэд нэхэмжлэл гаргаж, шийдвэрлүүлжээ.

Түүнчлэн “Хүүхдийн мөнгөн тэтгэмж олгох журам”-д дээрх байдлаар эрх нь зөрчигдсөн хүүхдүүдийн нийтлэг ашиг сонирхлыг хамгаалах чиглэлээр нэмэлт өөрчлөлт оруулах саналыг Хөдөлмөр, нийгмийн хамгааллын яаманд хүргүүллээ гэж Улсын Ерөнхий Прокурорын Газраас мэдээлэв.

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
656131
0 эможи

keyboard_arrow_up