II төрөх эмнэлгийн газар дээр барилга барихаар хашаа барьсныг буулгана II төрөх эмнэлгийн газар дээр барилга барихаар хашаа барьсныг буулгана
Сонгууль 2024 7 хоногийн тойм -22°C 2639.86 ₮
05 сарын 18, Бямба
Өнөөдөр

Arslan.mn

II төрөх эмнэлгийн газар дээр барилга барихаар хашаа барьсныг буулгана

2024 оны 3 сарын 27

Arslan.mn

Нийслэлийн “Хүрээ” амаржих газар буюу II төрөх эмнэлгийн газрыг 2003 оноос эхлэн хэсэгчилж бусад этгээдэд шилжүүлсэнтэй холбоотойгоор шинээр ашиглалтад орох эмнэлгийн барилгын ойр орчимд стандарт зөрчсөн нөхцөл байдал, архитектур төлөвлөлтийн маргаан гарчээ.

“Хүрээ” амаржих газар нь анх 1959 онд БНМАУ-ын Сайд нарын зөвлөлийн хурлаар “Амаржих газар II” нэртэйгээр байгуулагджээ. Тус эмнэлгийн шинэ барилга буюу орчин үеийн шийдэл бүхий эх нярайн эмэгтэйчүүдийн төрөлжсөн эмнэлэг энэ онд ашиглалтад орох бөгөөд есөн давхар, 180 орны хүчин чадалтай байна. 

Нийслэлийн "Хүрээ" амаржих газрын захирал Б.Мөнхсайхан "2005 онд манай зөвлөгөө өгөх байрыг хувийн аж ахуйн нэгжид өгсөн зэргээр эмнэлгийн өмчлөлийн газраас хэсэгчилж бусад этгээдэд шилжүүлсэн.

Гэвч тухайн аж ахуйн нэгжийн хөрөнгө хураагдаад, улсын өмчид орчихсон гэх мэт асуудалтай. Үүнтэй холбоотойгоор газар олголтыг шалгуулж, энэ бүх газар олголт эхнээсээ хууль бус юм байна гэдгийг тогтоон, зохих ёсны байгууллагуудад удаа дараа хандаж ирсэн" гэж ярилаа.

Уг асуудлаар газар дээр нь ажилласан Нийслэлийн Засаг даргын орлогч О.Номинчимэг "II төрөх эмнэлгийн эзэмшилд байсан газрыг хувьчилж өөр этгээдэд шилжүүлсэн асуудал өнөөг хүртэл шийдэгдэхгүй хүндэрсээр удахгүй ашиглалтад орох гэж буй шинэ төрөх эмнэлгийн барилгын ойролцоо томоохон барилга байгууламж баригдахад хүрээд байна.

Уг барилгын суурь, хашаа нь II төрөх эмнэлгийн эзэмшил газар руу хэтрэн орсон нь орц, гарц, төлөвлөлтийн стандартыг зөрчиж байна гэсэн гомдол удаа дараа ирсэн. Иймд эхний ээлжид Нийслэлийн Газар зохион байгуулалтын албанаас барилгын хашааг татах шаардлага хүргүүлээд буй.

Төрөх эмнэлэг өөрийн гэсэн стандарттай. Байгалийн гэрэл, агаар солилцох боломжийг нь хаавал эмнэлийн үйл ажиллагаанд доголдол гарна. Иймд бид газар болон архитектур төлөвлөлтийн маргааныг хуулийн дагуу шийдвэрлэхээр ажиллаж байна. Тухайн газар яаж, хэзээ, хэнд шилжиж ирсэн гэдгийг баримтад тулгуурлан гаргаж ирэх ёстой" гэв.

Мэдээнд өгөх таны үнэлгээ?
Like an post Love an post
haha an post
1
wow an post
yay an post
sad an post
ouch an post
confuse an post
angry an post
1
655678
4 эможи

Зочин
2024-03-28 13:11
Хотын даргаа УБ ихдэлгүүрийн ухаад суурь цутгаад бгаа газрыг хураагаад зогсоол болгоочээ Сүхээ гэж шуналын тулам авгайгаас айгаад бгаа юмуу
Зочин
2024-03-28 13:11
Хотын даргаа УБ ихдэлгүүрийн ухаад суурь цутгаад бгаа газрыг хураагаад зогсоол болгоочээ Сүхээ гэж шуналын тулам авгайгаас айгаад бгаа юмуу
Зочин
2024-03-27 12:03
Манай эмнэлгүүд зогсоол муутай. Хүнд өвчтэй хүн аваад очиход зогсоол хайсаар байгаад таардаг. Тийм болохоор бусдад олгосон газруудыг нь чөлөөлж хэдэн давхар авто зогсоол барих хэрэгтэй.
иргэд
2024-03-27 09:28
маш зөв хурдан буулга явган бид явах замгүй хэцүү байна
keyboard_arrow_up