Arslan.mn

УИХ-ын гишүүн, Уул уурхайн дэд сайд, Шүүхийн шийдвэр гүйцэтгэлийн ерөнхий газрын дарга зэрэг алба хашиж ирсэн, бригадын генерал Д.Загджав өнгөрсөн оны 12 дугаар сарын 28-ны өдөр /2023.12.28/ Үндэсний аудитын газрын ерөнхий аудиторын орлогчоор томилогдож, ажлаа хүлээн авсан.

Шүүхийн шийдвэр гүйцэтгэлийн ерөнхий газрын даргаар ажиллаж байхад нь түүнтэй холбоотой дуулиан дэгдэж, Хууль зүй дотоод хэргийн яамнаас ажлын хэсэг гарч, ажилласнаар эцэст нь тэрбээр чөлөөлөгдөж байсан бөгөөд ийнхүү өнгөрсөн онд Үндэсний аудитын газрын ерөнхий аудиторын орлогч болж байв. 

Гэтэл Д.Загджав тус албан тушаалд очихоосоо өмнө ОХУ-ын Гадаад тагнуулын албаны дарга Сергей Евгеньевич Нарышкин, ОХУ-ын Прокурорын дэргэдэх Мөрдөн байцаах хорооны дарга Александр Иванович Бастрыкин нарт хандан захидал илгээжээ.
 

Захидалдаа “Намайг УБЗДТГ-ын даргын албан тушаалд нэр дэвшсэн цор ганц хүн байтал ОХУ-ын талд мэдүүлээгүй байна.  Хэний эрх ашгийн үүднээс ингэснийг шалгаад өг” гэх агуулга бүхий захиаг илгээсэн аж. 

Оросын аюулгүй байдал хууль хяналтын байгууллагатай ингэж нягт холбоотой ажилладаг түүнд төрийн нууцтай харилцдаг өндөр албан тушаал хариуцуулах нь хэр зохистой вэ.

Дээрх захидлаас харахад Монгол Улсад хэн дарга болохыг Оросууд шийддэг хэвээрээ бололтой.