ЦЕГ: Зохих зөвшөөрөлгүй урван ширхэг баавгайн саврыг бусдад худалдан борлуулах гэж байсныг ИЛРҮҮЛЖЭЭ ЦЕГ: Зохих зөвшөөрөлгүй урван ширхэг баавгайн саврыг бусдад худалдан борлуулах гэж байсныг ИЛРҮҮЛЖЭЭ
COVID-19 7 хоногийн тойм -22°C 2639.86 ₮
02 сарын 23, Баасан
Өнөөдөр

Arslan.mn

ЦЕГ: Зохих зөвшөөрөлгүй урван ширхэг баавгайн саврыг бусдад худалдан борлуулах гэж байсныг ИЛРҮҮЛЖЭЭ

2023 оны 10 сарын 20

Arslan.mn

Ховор амьтны түүхий эдийг зохих зөвшөөрөлгүй худалдах гэж байсан үйлдлийг илрүүлэн шалгаж байна гэж ЦЕГ-аас мэдээллээ.

Тодруулбал, Цагдаагийн байгууллагаас 2023 оны аравдугаар сарын 19-ны өдөр иргэн “Ү” нь зохих зөвшөөрөлгүй 3 ширхэг баавгайн саврыг бусдад худалдан борлуулах зорилгоор Баянгол дүүргийн нутаг дэвсгэрт автомашиндаа тээвэрлэн явахад нь илрүүлэн мөрдөн шалгах ажиллагааг үргэлжлүүлж байна.

Иймд иргэд Та бүхэн зохих зөвшөөрөлгүй ховор, нэн ховор амьтны жагсаалтад багтсан амьтныг агнах, барих, зориудаар тэжээж гаршуулах, үржүүлэх, тэдгээрийн гаралтай түүхий эдийг хадгалах, худалдах, худалдан авах, тээвэрлэх, цуглуулга, чихмэл хийхээс татгалзаж, уг амьтдыг хамгаалах үүргээ биелүүлж хууль бус үйлдлийн талаар холбогдох байгууллага, албан тушаалтанд мэдэгдэхийг цагдаагийн байгууллагаас зөвлөж байна.

Энэ талаарх зарим эрх зүйн зохицуулалтаас:

Эрүүгийн хуулийн 24.5 дугаар зүйл. Хууль бусаар ан агнах

  1. Улсын тусгай хамгаалалттай газар нутагт зөвшөөрөлгүйгээр амьтан агнасан, барьсан, эсхүл ховор амьтныг тусгай зөвшөөрөлгүйгээр агнасан, барьсан, зориудаар тэжээж гаршуулсан, үржүүлсэн, тэдгээрийн гаралтай түүхий эдийн зүйлийг хадгалсан, худалдсан, худалдан авсан, тээвэрлэсэн, гадаад улсад гаргасан, ховор амьтны чихмэл, эд, эрхтэн, тэдгээрийн гаралтай түүхий эдийн цуглуулга хийсэн бол таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, эсхүл нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ.
  2. Нэн ховор амьтныг тусгай зөвшөөрөлгүй агнасан, барьсан, зориудаар гаршуулан тэжээсэн, амьдрах орчныг алдагдуулсан тэдгээрийн түүхий эдийг бэлтгэсэн, тээвэрлэсэн, хадгалсан, худалдсан, худалдан авсан, гадаад улсад гаргасан, нэн ховор амьтны чихмэл, түүхий эд, эд, эрхтэн, тэдгээрийн гаралтай түүхий эдийн цуглуулга хийсэн бол арван мянган нэгжээс дөчин мянган нэгжтэй тэнцэх хэмжээний төгрөгөөр торгох, эсхүл хоёр жилээс найман жил хүртэл хугацаагаар хорих ял шийтгэнэ гэж заажээ.
Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
652032
0 эможи

Зочин
2023-10-23 09:25
Яах гэж байгаан бол до гэдэсээ самардах гэж бгаан байхдаа тэнэг
keyboard_arrow_up