“MGM.Casino” нэртэй мөрийтэй тоглоом ажиллуулж 294,000,000 төгрөгийн хууль бус ашиг олжээ “MGM.Casino” нэртэй мөрийтэй тоглоом ажиллуулж 294,000,000 төгрөгийн хууль бус ашиг олжээ
Сонгууль 2024 7 хоногийн тойм -22°C 2639.86 ₮
07 сарын 21, Ням
Өнөөдөр

Arslan.mn

“MGM.Casino” нэртэй мөрийтэй тоглоом ажиллуулж 294,000,000 төгрөгийн хууль бус ашиг олжээ

2023 оны 9 сарын 16

Arslan.mn

Энэ цаг үеийн электрон нийгмийн эдээ бээр болох залилагч “Арав” хочит Т.Баттулга, Г.Хүрэлсүх, Б.Одбаатар, Х.Өсөхбаяр нарын бүлэглэн үйлдсэн гэмт хэргийн шүүх хурал өчигдөр боллоо.

Тэдгээр нь 2022 оны 07 дугаар 01-ний өдрөөс 2022 оны 09 дүгээр сарын 21-ний өдрийн хооронд цахим орчинд “MGM.Casino” нэртэй мөрийтэй тоглоом ажиллуулж 294,000,000 төгрөгийн хууль бус ашиг олсон байна.

Бүлэг болон хууль бус мөрийтэй тоглоом тоглуулж үндэслэлгүй хөрөнгөжсөн уг иргэдэд Баянзүрх дүүргийн эрүүгийн хэргийн анхан шатны шүүхээс дараах шийтгэлийг оногдуулсан байна.

❖ Шүүгдэгч Х.Өсөхбаярыг нэг сая төгрөгөөр торгох ял,

❖ Шүүгдэгч Г.Хүрэлсүхээс гэмт хэрэг үйлдэж олсон орлого 29,600,000 төгрөгийг гаргуулан улсын орлого болгож, 8 сарын хугацаанд Баянзүрх дүүргийн нутаг дэвсгэрээс бусад газарт зорчих эрхийг хязгаарлах ял,

❖ Шүүгдэгч Т.Баттулгаас гэмт хэрэг үйлдэж олсон орлого 169,505,000 төгрөгийг гаргуулан улсын орлого болгож, 8 сарын хугацаанд Сүхбаатар дүүргийн нутаг дэвсгэрээс бусад газарт зорчих эрхийг хязгаарлах ял,

❖ Шүүгдэгч Б.Одбаатараас гэмт хэрэг үйлдэж олсон орлого 101,600,000 төгрөгийг гаргуулан улсын орлого болгож, 8 сарын хугацаанд Баянхонгор аймгийн нутаг дэвсгэр болон бусад газарт зорчих эрхийг хязгаарлах ялаар тус тус шийтгэж эцэслэн шийдвэрлэлээ.

Тухайн гэмт хэргийг үйлдэгч нар нь загас барих мэт эхлээд өгч байгаад тоглоомондоо донтуулан оруулдаг. Мөрийтэй тоглоомонд донтсон иргэд эд хөрөнгө, хадгаламж, бэлэн мөнгөө алдах, орон байраа барьцаалах, цаашилбал өр зээлд орж, сэтгэл санаагаар унаж, амиа хорлох хүртэл тооцож баршгүй хор уршиг дагуулж байгааг цагдаагийн байгууллагад бүртгэгдэн шалгагдаж байгаа гэмт хэргүүдийн шалтгаан нөхцөлөөс харагдаж байна. Иймд иргэдэд энэ төрлийн гэмт хэргийн хохирогч болохоос сэрэмжлэх, үүнийг сонирхогч гэр бүл, найз нөхдөдөө үнэн бодит байдлыг тайлбарлан ойлгуулах үүднээс та бүхэн энэхүү мэдээллийг өгч байна.

Мэдээнд өгөх таны үнэлгээ?
Like an post Love an post
1
haha an post
wow an post
yay an post
sad an post
ouch an post
confuse an post
angry an post
650894
1 эможи

Зочин
2023-09-16 13:32
Хүрэлсүх ч гэх шиг нэртэнгүүд олигтой юм алгаа хулхи
keyboard_arrow_up