Arslan.mn

Энэ оны эхний таван сарын байдлаар хүүхэд өртсөн зам тээврийн 259 осол бүртгэгдэж, 13 хүүхдийн амь нас хохирчээ. Үүнээс дөрвөн тохиолдол нь хүүхэд хашаан дотроо ухарч байсан тээврийн хэрэгсэлд мөргүүлж амиа алджээ. 

Замын хөдөлгөөний дүрмийн 10.1 дэх заалтад жолооч хөдөлгөөн эхлэхийн өмнө зам, орчны нөхцөл байдлыг биеэр болон бусдын тусламжтайгаар шалгаад хөдөлгөөн эхлүүлэх үүрэгтэй гэж заасан байдаг. Иймд жолооч нар тээврийн хэрэгслийн хөдөлгөөн эхлүүлэхдээ зам болоод орчноо сайтар нягтлан шалгахыг цагдаагийн байгууллагаас анхааруулж байна.