Arslan.mn

ЦЕГ-ын даргын санаачилгаар 2022-2023 оныг хүүхдийг гэмт хэрэг зөрчлөөс урьдчилан сэргийлэх, аюулгүй байдлыг хангах чиглэлд онцгойлон анхаарч, хүүхдийн эрхийг хамгаалах өдөрт зориулан томоохон ажлуудыг зохион байгуулж байгаа билээ. 

Тэгвэл өнөөдөр Олон Улсын хүүхдийн эрхийг хамгаалах өдөр тохиож байгаатай холбогдуулан Цагдаагийн байгууллагаас "Хүүхэд таныг хамгаалъя" нэгдсэн арга хэмжээг 2 дахь жилдээ Төв цэнгэлдэх  хүрээлэнд эхэллээ.

Энэ үеэр хүүхэд багачууд цагдаагийн автомашины үзэсгэлэн, гардан тулаан, албаны нохойн үзүүлбэр, агаарын буулт зэрэг олон сонирхолтой үзүүлбэрийг үзэж сонирхохоос гадна урлаг, соёлын болон спортын олон хөгжөөнтэй уралдаан, тэмцээнүүдэд оролцож,  цагдаа ах, эгч нартайгаа нэг өдрийг хөгжилтэй, сонирхолтой, хэзээ ч мартагдахааргүй дурсамж бүтээн өнгөрүүлэх юм.