ТАЛАРХАЛ : Сураггүй алга болсон 51 настай эмэгтэйг ЭЦА-ныхан эсэн мэнд олж, гэрт нь хүлээлгэн ӨГЧЭЭ

ЦЕГ-ын Эрүүгийн Цагдаагийн албаны хамт олонд иргэнээс талархал ирүүлжээ.

Тодруулбал, энэ оны 03 дугаар сарын 05-ны өдөр 51 настай эмэгтэй "Т" нь гэрээсээ гараад сураггүй алга болсон гэх гомдлын дагуу Нийслэлийн Сонгинохайрхан дүүргийн Цагдаагийн газрын 1-р хэлтсээс эрэн сурвалжлах ажиллагааг зохион байгуулсан билээ.

Эрэн сурвалжлах ажиллагааны явцад иргэн “Т” нь Монгол Улсын хилээр БНХАУ-ын нутаг дэвсгэрт зорчсон нөхцөл байдал тогтоогдсон байна.

Улмаар ЦЕГ-ын Эрүүгийн цагдаагийн албанаас Дорноговь аймгийн цагдаагийн газар, БНХАУ-ын ӨМӨЗО-ны Эрээн хотын Нийгмийг Аюулаас Хамгаалах Тэнхим, ЦЕГ-ын Интерполын Үндэсний Төв Товчооний ажлын албатай хамтран Бээжин хотоос олж тогтоон эх оронд нь авчрах ажиллагааг зохион байгуулж, ар гэрт нь хүлээлгэн өгчээ.