Arslan.mn

Гэр бүлийн хүчирхийлэлд өртсөн ахмад настны тоо өнгөрсөн онд 968 болж өмнөх оноосоо 35 орчим хувиар өсжээ.

Ихэвчлэн сэтгэл санаа, бие махбод, эдийн засаг, үл хайхрах, бэлгийн хүчирхийлэлд өртөх нь дийлэнх байжээ. Түүнчлэн тэдний эрүүл мэндийн байдал онцгой анхаарал хандуулах түвшинд хүрснийг Хүний эрхийн үндэсний комиссоос тодотголоо.

Зүрх судас, хоол боловсруулах эрхтэн, шээс бэлгийн зам, яс булчин, сэтгэцийн өвчлөл 1.5-2 дахин өссөн болохыг Комиссын гишүүн Х.Мөнхзул хэллээ. 

Хүний эрхийн үндэсний комиссоос “Монгол Улс дахь Хүний эрх, эрх чөлөөний байдлын талаарх 22 дахь илтгэл”-ийг энэ долоо хоногт УИХ-д өргөн барих товтой байна. Илтгэл нийт 7 бүлэгтэй. Үүний нэг нь “Ахмад настны эрх, хамгаалал бүлэгт тэдний Нийгмийн хамгаалал, Хөдөлмөрлөх эрх, Эрүүл мэндээ хамгаалуулах эрх, Хөгжих эрх, Хүчирхийллээс ангид байх эрхийн асуудал багтсан байна.