Arslan.mn

Уржигдар буюу гуравдугаар сарын 8-ны өдөр эмэгтэйчүүдийн баяр тэмдэглэж явсан төрийн албан хаагч авто ослоор амиа алджээ. 

Тодруулбал, Хүнс хөдөө аж ахуй, хөнгөн үйлдвэрийн судалгаа хөгжлийн төвийн ажилчид энэ сарын 7-ны өдөр хотоос гарч "Тоoрил хааны" амралтад баяр тэмдэглэсэн байна. Харин буцаж ирэх замдаа осолд оржээ.

"Hyundai Starex" маркийн тээврийн хэрэгсэл онхолдож, ослын улмаас жолооч болон зорчигчид болох 33-60 насны 5 иргэн гэмтэж, зорчигч 53 настай, эмэгтэй “О” амиа алджээ. 

Хэрэгт Тээврийн цагдаагийн албаны Мөрдөх шалгах газарт шалгалтын ажиллагаа явуулж байна. Шалгалтаар тээврийн хэрэгслийн жолооч 50 настай, эрэгтэй Э нь согтууруулах ундааны зүйл хэрэглээгүй байсан байна.