Arslan.mn

Хан-Уул дүүргийн Иргэний хэргийн анхан шатны шүүхэд өнгөрсөн баасан гарагт Хөгжлийн банкны нэхэмжлэлтэй, “Эрэл” компанид холбогдох, хурал нь 26 удаа хойшилсон хэргийг хэлэлцэн шийдвэрлэлээ.

Дээрх анхан шатны шүүхээс “Эрэл” ХХК-ийг Хөгжлийн банканд их хэмжээний хохирол учруулж, зээлийн хүү төлбөртэй холбоотойгоор хууль зөрчсөн гэж үзэн Хөгжлийн банкны гаргасан нэхэмжлэхийг хангаж шийдвэрлэжээ.

Тодруулбал, шүүхээс 171 тэрбум гаруй төгрөг “Эрэл” компаниас гаргуулж Хөгжлийн банканд төлүүлэх, зээлийн гэрээний үүргийн гүйцэтгэлийг нь барьцаа хөрөнгөөр хангуулах нь үндэслэлтэй гэж шийдвэрлэсэн байна.