ТОДРУУЛГА: Царай төрхөд нь атаархан бусдыг ИНДҮҮГЭЭР цохисон гэх эмэгтэйг ШАЛГАЖ байна
Танихгүй эмэгтэй араас нь дуудаж толгой руу нь алхаар цохиж гэмтээсэн гэх бичлэг цахим орчинд гарсан. Уг хэргийг үйлдсэн эмэгтэй хохирогч “А”-г инстаграмд дагадаг бөгөөд царай төрхөд атаархсандаа гэмтээсэн гэх мэдээлэл гараад буй.
Тэгвэл цагдаагийн байгууллагад энэ сарын 21-ний өдөр “Хан-Уул дүүрэгт байрлах “Кинг таур” хотхон орчим явж байсан эмэгтэйн толгой руу нь хатуу эд зүйлээр цохиж гэмтээсэн” гэх дуудлага иржээ.
Дуудлагын дагуу албаныхан яг юу болсныг тогтоохоор ажиллаж байгаа бөгөөд хохирогч эмэгтэйн толгой руу алхаар биш индүүгээр цохисон байжээ.
Тодруулбал, тухайн хэргийг цагдаагийн байгууллагаас шалгахад хохирогчийг 22 настай Ц гэгч эмэгтэй индүүгээр толгой руу нь цохиж гэмтээсэн байна.
Тус хэргийг Хан-Уул дүүргийн нэгдүгээр хэлтэс шалгаж байна.