Arslan.mn

Монгол Улсын Ерөнхийлөгчийн 2010 оны 63 дугаар зарлигийн дагуу 2022 оны намрын “Бүх нийтээр мод тарих өдөр” 10 дугаар сарын 8-нд тохиож байна. Энэ өдөр бүх нийтээр байгаль эхээ дээдлэх үзлийг түгээн дэлгэрүүлж, мод тарих, ногоожуулах хөдөлгөөнийг олон нийтийн үйлс болгон өрнүүлдэг уламжлалтай.

Энэ жилийн хувьд тус өдрийг “Тэрбум мод” үндэсний хөдөлгөөний хүрээнд “Байгаль орчны сайд нарын төгөл” байгуулах санаачилгаар эхлүүлсэн. БОАЖ-ын сайд Б.Бат-Эрдэнэ, БОАЖ-ын сайд асан Д.Оюунхорол нар намрын мод тарилтын нээлтэд оролцож, “Горхи-Тэрэлжийн байгалийн цогцолборт газар”-ын дугуй бургас орчимд “Отгонтэнгэр” их сургуулийн оюутан, залуус, багш, ажилчид болон БОАЖЯ-ны хамт олон улиас, халиас, шинэс зэрэг 10 төрлийн дөрвөн мянга гаруй мод тарьсан.