АШУҮИС-ийн захирал Г.Батбаатар осол гаргаж, хүний аминд хүрчээ
АШУҮИС-ийн захирал Г.Батбаатар гарцан дээр осол гаргаж, хүний аминд хүрсэн хэрэг гарчээ.
Тодруулбал, Тавдугаар сарын 15-ны өдөр АШУҮИС-ийн захирал Г.Батбаатар 80 настай буурайг зам гарч байх үед нь дайрч унгасан осол гаргажээ. Харамсалтай нь өнөөдөр тус иргэний бие сайжрахгүй байсаар нас барлаа.
Энэ талаар түүний хүү Ц.Ариунболд "Тавдугаар сарын 15-ны өдөр өглөөний 10 цагийн үед тээврийн хэрэгслийн хөл хөдөлгөөн багатай үед 80 настай Ц гэх манай аавыг Ланд 200 машинаар мөргөж унгасан. Энэ тухай арын машины хүмүүс надруу ярьж мэдээлэл өгсөн. Тэр үед Г.Батбаатар бол надруу яриагүй. Тухайн үед замын хөдөлгөөнд орж байсан өөр машины жолооч осол гарсан талаар над руу мэдээлсэн. Улмаар түргэний машин яаралтай ирээд аавыг ГССҮТөв рүү авч явсан байна. Сэхээнд 15 гаруй хоног, тасагт 10 гаруй хоног байж байгаад зургадугаар сарын 15-ны өдрөөс эмнэлгээс гарсан. Эмнэлгээс гарах болсон шалтгаан нь хөгшин настай хүн удаан хэвтэхээр уушгинд ус дүүрчидэг юм байна. Тиймээс эмнэлгээс гаргасан. Үргэлжлүүлэн хувийн эмнэлэгт хэвтүүлсэн боловч сэтгэл санаа, биеийн байдлаас болж гэртээ гаргаж авсан. Түүнээс биш эмчилгээг дуусаж, эрүүл болоод гараагүй. Аавын маань бүх яс нь хугаралттай, хүзүүний 4-5 үед хугарсан байсан.
Г.Батбаатарын хувьд тухайн өдрөө ГССҮТ-т ирээд нэг уулзсан. Тэрнээс хойш уулзаагүй байгаа. Би утсаар яриад эмчилгээний зардал ийм болж байна гэсэн чинь би өмгөөлөгч авсан. Эндээс хойш баримтаа цуглуулаад манай өмгөөлөгчтэй л уулзана шүү. Шүүх дээр уулзана гэсэн. Хамгийн гол асуудал бол эмчилгээний мөнгөний асуудал биш байгаа юм. Энэ хүний сэтгэл л байгаа. Гэтэл АШУҮИС-ийн захирал Г.Батбаатар ааваас минь уучлалт ч гуйлгүй байсаар өнөөдөр өнгөрчихлөө. Үнэхээр их харамсаж байна. " гэсэн юм.
![Like an post](https://www.arslan.mn/templates/img/comment/like.png)
![Love an post](https://www.arslan.mn/templates/img/comment/love.png)
![haha an post](https://www.arslan.mn/templates/img/comment/haha.png)
![wow an post](https://www.arslan.mn/templates/img/comment/wow.png)
![yay an post](https://www.arslan.mn/templates/img/comment/yay.png)
![sad an post](https://www.arslan.mn/templates/img/comment/sad.png)
![ouch an post](https://www.arslan.mn/templates/img/comment/ouch.png)
![confuse an post](https://www.arslan.mn/templates/img/comment/confused.png)
![angry an post](https://www.arslan.mn/templates/img/comment/angry.png)