Arslan.mn

Баян-Өлгий аймгийн Булган сумын Ёлт багийн нутаг дэвсгэрт өнгөрсөн жил 160 хүүхдийн сургууль, спорт заал ашиглалтад орж байсан бол энэ жил сургуулийнхаа дэргэд 30 хүүхдийн багтаамжтай сурагчдын дотуур байр ашиглалтад орлоо. Ингэснээрээ сурагчид гэртэйгээ ойрхон сургуультай, алслагдсан баг, тосгодоос суралцаж байгаа хүүхдүүд ч сургуультайгаа ойрхон, амьдрах орчин нь тохитой дотуур байртай болж байгаа юм.

Тус дотуур байранд хооллох танхим, ариун цэврийн өрөө, хувцасны өлгүүр, хичээллэх болон сургалтын анги танхимууд, хувцас солих өрөө, бага ангийн танхим, мөн зуухны өрөө, халуун цех, бэлтгэх цех, сав угаалга, ажилчдын хувцас солих өрөө, цахилгаан холбооны өрөө зэргийг төлөвлөжээ.