Arslan.mn

БОАЖЯ-наас Хог хаягдлын тухай хуулйн шинэчилсэн найруулга батлагдсантай холбогдуулан 21 аймаг, нийслэлийн 9 дүүргийн дунд “Цэвэр сайхан орчин” сарын аяныг зарласан. Тус аяны хүрээнд улс, аймгийн баяр наадмаар “Хоггүй эрүүл орчинд сайхан наадацгаая” уриа дор бүх нийтийн их цэвэрлэгээг зохион байгуулах болон зам дагуу зөөврийн хогийн сав байршуулах, гялгар уутыг даавуун уутаар халах, хог хаягдлыг эх үүсвэр дээр нь ангилан ялгаж хоёрдогч түүхий эдийн цэгүүд шинээр байгуулах зэрэг ажлуудыг орон нутгийн удирдлагуудын зүгээс идэвхи санаачилга гарган өрнүүлсэн байна. Аяны хүрээнд 18 974 иргэн, аж ахуй нэгж байгууллагыг хамруулан, 3945 орчим га талбайн хог хаягдлыг цэвэрлэн 21148 тонн хог хаягдлыг төвлөрсөн хогийн цэгт буулгажээ.