Arslan.mn

Хүндийг өргөлтийн залуучуудын АШТ Непал /Балба/ улсад эдгээр өдрүүдэд үргэлжилж байна. Тус тэмцээнд эх орноо төлөөлөн оролцож буй Монголын туйванч охидууд түүхэн амжилт үзүүлээд байгаа юм. Тухайлбал, Азийн залуучуудын аварга М.Анхцэцэг энэхүү тэмцээнд /75кг/ гурван алтан медаль авч Ази тивийн хошой аварга болсон бол Э.Билэгсайхан -90 кг-ын жинд нэг алт, 2 мөнгөн медаль хүртэж бахдам амжилт гаргалаа.

Мөн 63 кг-д өрсөлдсөн ОУХМ Г.Ануужин 1 мөнгө, 1 хүрэл медаль хүртсэн бол ОУХМ Б.Энхтамир шагналт тавдугаар байрт оров. Монголын баг тамирчдыг шигшээ багийн ерөнхий дасгалжуулагч Ц.Хосбаяр дасгалжуулан оролцож байна. Мөн шүүгчээр Р.Одбаяр, Л.Одгэрэл нар ажиллаж байгаа аж.

Б.ГЭРЭЛ