Монгол Улсад Эрчим хүчний салбар үүсч хөгжсөний түүхт 95 жилийн ой энэ онд тохиож буй.Уг ойг ойг угтах ажлын хүрээнд тус салбарын ажилтнуудын мэргэжлийн ур чадварыг сорих, хүний нөөцийн чадавхыг дээшлүүлэх, шинэлэг арга, аргачлал, техниктехнологи, ажлын туршлага зэргийг харилцан солилцох, салбарын тэргүүний ажилтан, аж ахуйн нэгжийг шалгаруулан олон нийтэд үйл ажиллагааг нь сурталчлан таниулах зорилгоор “Ажил мэргэжлийн уралдаан-2017” тэмцээнийг орон даяар амжилттай зохион байгууллаа.

123 Тэмцээнийг 2 үе шаттай зохион байгуулсан бөгөөд эхний шатыг баруун, зүүн, хойд, төвийн бүсэд зохион байгуулж 30 баг оролцсон бол тус тэмцээнээс шалгарсан 9 багийн эцсийн шалгаруулалт Улаанбаатар хотод амжилттай болж өндөрлөлөө. Тэмцээнд нийт 14 аймгийн 33 байгууллагын 300 гаруй инженер техникийн ажилчид оролцсоноос нэгдүгээр байранд “Дархан Сэлэнгийн Цахилгаан Түгээх сүлжээ” ХК, хоёрдугаар байранд “Багануур зүүн өмнөд бүсийн цахилгаан түгээх сүлжээ” ТӨХК, гуравдугаар байранд “Дарханы Дулааны Станц” ТӨХК тус тус шалгарсан юм.

Энэ үеэр Эрчим хүчний дэд сайд Т.Гантулга тэмцээнд оролцсон нийт инженер, техникийн ажилчдад ажлын амжилт хүслээ.

123

Тэмцээний хоёрдугаар шатны шалгаруулалтын цахилгааны засвар угсралтын ажилтны ур чадвар шалгах тэмцээний үеэр БЗД-ийн 27-р хорооны 42 айл өрхийг найдвартай цахилгаан эрчим хүчинд холбож, тоолууржуулах ажлыг хийж гүйцэтгэн, дулааны засвар угсралтын ажилтны ур чадвар шалгах тэмцээнээр дулааны шугам хоолойг хэсэгчлэн сольсон.

123

123

123