Arslan.mn

Эрчим хүчний салбар үүсч хөгжсөний түүхт 95 жилийн ой тохиож байгаатай холбогдуулан “Эрчим хүчний салбарын инженер техникийн ажилтнуудын зөвлөгөөн - 2017”-ийг 05 дугаар сарын 10-12-ны өдрүүдэд Улаанбаатар хотноо зохион байгуулах гэж байна. Зөвлөгөөнд эрчим хүчний салбарт үйл ажиллагаа явуулж буй төрийн болон хувийн хэвшлийн нийт 56 үйлдвэр, компанийн 250 орчим инженер техникийн ажилтнууд оролцох юм.

Салбарын амин судас болсон мэргэжилтнүүд Монгол Улсын эрчим хүчний системийн өнөөгийн төлөв байдал, хэрэглээ, системийн горим ажиллагаа, аюулгүй байдал, салбарт хэрэгжиж буй бүтээн байгуулалт, төр, хувийн хэвшлийн үйлдвэр компаниудад тулгамдаж байгаа асуудлууд, тэдгээрийг зөв зохистой шийдвэрлэх тухайд санал бодлоо солилцож, бодлого зорилтоо тодорхойлно.