Arslan.mn

Өдгөөгөөс 60 жилийн тэртээ Говь-Алтай аймгийн уулчид дэлхийн залуучууд, оюутны VII их наадмыг угтаж Говь-Алтай аймгийн Тонхил сумын нутагт орших Сутай хайрхны оргилд (4130 м) анх удаа гарсан юм. 
БНМАУ-ын уулын спор­тын ууган мастер, Тонхил сумын харьяат Я.Жанцан энэхүү авиралтын багийг удирдсан билээ. Авиралтад Говь-Алтай аймгийн харь­яат эмэгтэй уулчин Долзод, I зэргийн тамирчин Цэрэндаш нарын есөн уулчин оролцсон. Түүхт ойг тохиолдуулан Монголын уулчид Төрийн тахилгат Сутай хайрханд анхлан авирсны түүхт 60 жилийн ойд зориулж уулын спортын ууган мастер Я.Жанцангийн нэрэмжит "Сутайн бор" клубээс дугуй ширээний ярилцлагыг өнгөрсөн сарын 30-ны өдөр Тонхил суманд зохион байгууллаа. Тус арга хэмжээнд "Сутай бор" клубийнхэн, гурван үеийн уулчид, сум орон нутгийн удирдлагууд, өсвөрийн тамирчид, багш, сурагчид болон сумын иргэд өргө­нөөр оролцов.

Говь-Алтай аймгийн За­саг дарга С.Гансэлэм дугуй ширээний ярилцлагад орол­цогч­дод мэндчилгээ ирүүлс­нийг Тонхил сумын Засаг дарга Р.Даваадорж уншиж танилцуулав. Мөн түүнчлэн дараах хүмүүсээс мэндчилгээ ирүүлжээ. Үүнд, Монголын уулчдын үндэс­ний холбооны ерөнхийлөгч Б.Тулга, "Сутайн бор" клубын үүсгэн байгуулагч, Удирдах зөвлөлийн гишүүн, Монголын гимнастикийн холбооны тэр­гүүн дэд ерөнхийлөгч, уулын спор­тын ууган мастер Я.Жан­цан агсны том охин Ж.Туяа, “Сутайн бор” клуб, Монголын уулчдын үндэсний холбооны Удирдах зөвлөлийн гишүүн, доктор А.Батсүх, уулын спортын мастер, ахмад уулчин С.Галсан, уулын спортын мастер, ахмад уулчин Ш.Галсандорж, Ардын эмч, ахмад уулчин П.Шижээ, спортын мастер Х.Пүрэв, ахмад настан Д.Мөнхцэцэг нар Тонхил сумын уулын спорт, “Сутайн бор” клубийн амжилт үйл ажиллагаа, түүхэн он жилүүд дэх уулын авиралтууд, онцлох үйл явдлын талаар сонир­холтой, дурсамжтай түүх өгүүлж, залуу хойч үедээ үнэтэй туршлагаасаа ху­ваалцлаа. Мөн Монгол Улсын уулын спортын ууган мастер Я.Жанцангийн нэ­рэм­жит "Сутайн бор" клу­бийн ерөнхий захирал Х.Нямдоо, Тонхил сумын сургуулийн захирал Д.Ган­чулуун, сумын За­саг даргын тамгын газрын ажил­­тан Б.Пүрэвжав нар үг хэлж, санал бодлоо хуваалц­лаа. Тус арга хэмжээний үеэр ойд зориулж хэвлэгдсэн "Сутайн бор-III" номын нээлт болов. Шинэ номын дээжийг клубийн үе үеийн тамирчид болон сумын сургууль, номын санд бэлэглэв. Мөн шинээр бүтээсэн "Уулчин аав минь" дууг сонордуулсан юм.
Монгол Улсын уулын спор­тын мастер, ахмад уул­чин Ш.Галсандоржийг айм­гийн Засаг даргын жуух бич­гээр, уулын спортын мастер, “Сутайн бор” клубийн гүйцэтгэх за­хирал Г.Чимэд-Очирыг Мон­голын залуу­чуудын хол­бооны "Тамирчны алдар" алтан медалиар шаг­насныг тус тус гардуулав. 

“Миний хайртай Сутай хайрхан” сэдэвт шүлэг, зохион бичлэг, уран зургийн уралдааныг Тонхил сумын цэцэрлэг,сургуулийн сурагчдын дунд зохион байгуулж шилдгүүдээ тодруулан шагнал гардуулав.
Шүлгийн уралдаанд:
I байр Б.Баасандорж, (12А  ангийн сурагч) 
II байр А.Дашням, (8А  ангийн сурагч)
III байр Р.Гантулга,(7А  ангийн сурагч)
Зохион бичлэгийн уралдаанд:
I байр М.Хандсүрэн, (12А  ангийн сурагч)
II байр С.Болор-Эрдэнэ, (12А ангийн сурагч)
III байр Б.Алим, (8А ангийн сурагч)
Уран зургийн хуралдааны Цэцэрлэгийн насны ангилалд:
I байр Б.Ананд, (ахлах бүлэг)
II байр Д.Хулан, (бэлтгэл бүлэг)
III байр С.Энхбат, (ахлах бүлэг)
Бага ангийн сурагчдын ангилалд:
I байр Д.Сугарзаан, (5А ангийн сурагч)
II байр Ж.Буянзаяа, (4Б  ангийн сурагч)
III байр Б.Өсөхбаяр, (4А ангийн сурагч)
Дунд ангийн сурагчдын ангилалд:
I байр Г.Ундармаа, (7Б ангийн сурагч)
II байр Д.Соёлоо, (12А ангийн сурагч)
III байр Б.Чүлтэм, (8А ангийн сурагч) нар тус тус шалгарлаа. Эдгээр шүлэг, зохион бичлэгээ сурагчид дугуй ширээний ярилцлагад орол­цогчдод уншиж танилцуулав. Мөн уран зургийн уралдаанд оролцсон хүүхдүүдийн бү­тээ­лээр үзэсгэлэн гаргасан юм.

Сутай хайрханд анхлан авирсны 60 жилийн ойд зориулж зохион байгуулсан дугуй ширээний ярилцлагыг Говь-Алтай айм­гийн "Миний нутаг" те­ле­визийнхэн сур­валжиллаа.
Дугуй ширээний ярилц­ла­гыг амжилттай зохион бай­гуулахад Говь-Алтай айм­­гийн Засаг дарга С.Ган­сэлэм, Тонхил сумын Засаг дарга Р.Даваадорж, сумын ИТХ-ын дарга Ц.Өнөр­маа, сургуулийн захирал Д.Ганчу­луун, сургуулийн багш, сурагчид болон су­мын  иргэд дэмжлэг туслалцаа үзүүлж идэвхтэй оролцсон юм.
Монгол Улсад уулын оргилд анхлан гарсан ойг анх удаа ийнхүү өргөн хүрээнд амжилттай зохион байгуулсан нь уулын спортын түүхт ойг төв ба орон нутагт уламжлал болгон зохион байгуулах сайхан эхлэл боллоо.