Arslan.mn

Г.Цагаандарь гэх нэгэн эмэгтэй хоёр охины хамт амьдрах газаргүй болж Толгойт өртөөний вокзалд хоног төөрүүлж байсныг “Итгэл сэтгэлийн гүүр” ТББ-ын тэргүүн Ц.Сувд-Эрдэнэ гэх бүсгүй туслаж буй талаар өмнө нь мэдээллэж байсан. Тэгвэл тус мэдээллийн мөрөөр олон сайхан сэтгэлт хүмүүс түүнд тусалж өнөөдөр тэрээр таван ханатай шинэхэн өргөө гэр, хашаа байшинтай боллоо.

 2016 оны есдүгээр сард Г.Цагаандарь нь бөөрний усжилттай болж эмнэлэгт хэвтсэний дараа нөхөр нь өвчтэй гэдгийг сонсоод  хоёр охиноо орхиод гэрээ ачаад зугтсан тухай тэрээр нэгэн сайтад өгсөн ярилцлагадаа дурдсан байна. Түүнээс хойш айлаар хонож өдийг хүрсэн аж.

Г.Цагаандарьд туслаж, ээжийг нь эмчилж, элэг бүтэн үлдээх хандивын аян Монгол улс даяар эрчимтэй үргэлжилж байна. Хоёрхон хоногийн дотор таван сая гаруй төгрөг цугларсан талаар Ц.Сувд-Эрдэнэ бидэнд баярлан хэлсэн юм. Г.Цагаандарь бүсгүйг бүрэн эдгэртэл эмчилгээ үргэлжлэх ажээ.