Arslan.mn

Санхүүгийн зохицуулах хороо “Ипотекийн зээлийн даатгалын үйл ажиллагааны журам”-ын төслийг боловсруулжээ. Энэхүү төсөл нь орон сууцны ипотекийн зээлийн даатгалыг олон улсын практикийн дагуу оновчтой хэлбэрт оруулж нэвтрүүлэх, зээлдэгчид болон банкыг эрсдэлээс хамгаалах, даатгалын үйлчилгээг өргөжүүлэх, хөгжүүлэх, даатгалын хүртээмжийг нэмэгдүүлэх зорилготой аж.

Мөн тус хороо нь үйлчлүүлэгчийн эрх ашгийг хамгаалах хуулиар олгогдсон чиг үүргийн хүрээнд “Ипотекийн зээлийн даатгалын үйл ажиллагааны журам”-ын төслийг  нээлттэй хэлэлцүүлсэн байна. Тус хэлэлцүүлэгт даатгалын компани, арилжааны банк, Монголын ипотекийн корпораци болон мэргэжлийн холбоодын  төлөөлөл оролцож саналаа илэрхийлжээ.

Уг журмаар даатгалын эрсдэл, даатгалын үнэлгээ, хураамж, нөхөн төлбөр, даатгалын гэрээнийн харилцаа, бүртгэл хяналт зохицуулагдах юм. Энэхүү даатгалын шинэ бүтээгдэхүүнийг зах зээлд гаргаснаар зээлдэгчдийг санхүүгийн эрсдлээс хамгаалахаас гадна даатгалын хүртээмж нэмэгдэнэ хэмээн үзэж байна.