Arslan.mn

"Оюуны Ундраа" цогцолбор сургууль үүсэн байгуулагдсаны 20 жилийн ой энэ онд тохиож буй. Энэ хүрээнд тус сургуулийн 3333 сурагч төв талбайд Монгол Улсын хөдөлмөрийн баатар, ардын уран зохиолч, “Болор цом”-ын ууган эзэн, яруу найрагч Д.Пүрэвдорж агсны “Тусгаар тогтнол" шүлгийг нэгэн зэрэг уншлаа.

Тус сургуулийн 95 бүлгийн 1-12 дугаар ангийн сурагч энэ үйл ажиллагааг бий болгохын тулд гурван сарыг зарцуулсан байна.

Энэхүү арга хэмжээгээр дамжуулан хүүхэд багачуудад эх оронч сэтгэлгээ суулгаж, тусгаар тогтнол түүний үнэ цэнийг мэдрүүлэх, эх орон, эцэг эхээ хайрлах ухааныг сурталчлан таниулахыг зорьсон болохыг  зохион байгуулагчид хэлж байлаа.

Тэд Монгол Улсын газрын зураг хэлбэртэй болон жагсаж, үндэсний хувцсаараа гоёжээ.