Arslan.mn

МХЕГ-ын дарга, Улсын ерөнхий байцаагч Н.Цагаанхүү Олон улсын хөдөлмөрийн байгууллагын БНХАУ, Монгол Улсыг хариуцсан захирал Тим Дэ Мэйэрийг хүлээн авч уулзлаа. Тэрбээр, Монгол Улсын хөдөлмөрийн хяналтын тогтолцоог сайжруулахад мэдлэг, туршлагаа хуваалцахын зэрэгцээ өмнөх яриа хэлэлцээгээ ажил хэрэг болгохоор ирсэнд талархал илэрхийлэв.

Мөн мэргэжлийн хяналтын байгууллагаас Төрийн хяналт шалгалтын тухай хуулийг хэрэгжүүлэхээр зөвлөгөө өгөх, соён гэгээрүүлэх, эрсдэлийг үнэлэх үйл ажиллагаа явуулж байгаа талаар онцоллоо.

Олон улсын хөдөлмөрийн байгууллагын БНХАУ, Монгол Улсыг хариуцсан захирал Тим Дэ Мэйэр “Хөдөлмөрийн эрүүл ахуй, аюулгүй байдлыг хангах хяналтыг олон улсын жишигт хүргэхээр мэргэжлийн хяналтын байгууллагаас явуулж буй бодлогыг ОУХБ-ын зүгээс сайшааж байгаа”-г дуулгаад цаашид хамтын ажиллагаагаа улам өргөжүүлнэ гэдэгт найдаж байна гэв. 

ЭХ СУРВАЛЖ: МХЕГ